Grønlendskt uppsjóvarskip landað til Pelagos

Grønlendska uppsjóvarskipið Tuneq landaði í gjár til Pelagos.

Upplýst verður, at Tuneq landaði 200 tons av makreli til Pelagos í gjár, sum teir hava fiskað í grønlendskum sjógvi.

Tuneq hevur eitt sindur eftir í lastini, men av tí at makrelurin, sum er eftir ikki er nóg feskur, verður restin møguliga landað til Havsbrún, har makrelurin verður framleiddur til mjøl og lýsi.