Emerald fer nú á rækjuveiðu

Verksmiðjutrolarin Emerald verður nú riggaður til at fara á rækjuveiðu, eftir at hava landað í Havn.

Emerald kom á Havnina fríggjadagin, har skipið landaði 540 tons av fløkum, 100 tons av fiskamjøli og 8 tons av lýsi.

Skipið hevur fiskað í norska partinum av Barentshavinum, og fiskiskapurin hevur verið hampiligur.

Emerald fer nú á rækjuveiðu, og loyst verður í kvøld.