Skal riggast til fiskiskap eftir kongafiski og toski

Verksmiðjutrolarin Emerald kom í gjár á Kollafjørð, har skipið skal riggast til botnfiskaveiðu.

Emerald hevur síðani trolarin kom sum nýbygningur til Føroya í 2023, verið á rækjuveiðu, men nú skal Emerald riggast til botnfiskaveiðu.

Emerald skal broyta verksmiðjuna umborð, soleiðis at hon kann framleiða flak, mjøl og lýsi, umframt aðrar broytingar, sum krevjast fyri at fiska botnfisk.

Eftir ætlan fer Emerald at liggja á Kollafirði í tríggjar vikur.