Brestir fer at liggja meginpartin av árinum

Frystitrolarin Brestir hevur ligið á Havnini seinastu tíðina, og skipið kemur at liggja meginpartin av árinum, upplýsir reiðarin.

- Brestir hevur ligið seinastu tveir mánaðirnar, og tað er krummtapsaksilin, sum er farin á skipinum, og hann má av landinum at umvælast, sigur Tummas Henriksen, reiðari.

Kostnaðurin liggur um nakrar milliónir, og skipið kemur at liggja tað mesta sum er eftir av árinum um ikki alt árið, sigur reiðarin víðari.

Krummtapsaksilin verður eftir ætlan sendur til Noregs í næstu viku, har hann skal umvælast.

- Vit hava seinastu tíðina mett hvat var besta loysnin, og meta vit at hetta er rætta valið, sigur Tummas Henriksen, reiðarið.

Vit spurdu hann, um teir høvdu hugsað um at skift skipið út, tí umvælingin bleiv so drúgv, men her svarar reiðarin, at tað man ivaðist í var, um man skuldi skifta allan høvðusmotorin út ella einans umvæla krummtapsaksilin, og fall valið á tað seinna.

Hóast Brestir kemur at liggja ta nógvu næstu tíðina, so verður tað ikki nakað annað skip, sum skal fiska av døgunum hjá Brestir. 

Umframt Brestir, so eiga eigararnir av Brestir eisini trolaran Vesturvarða.