Boð eftir Vón, Sverra og Tjaldrinum

Í gjár var tvær ferðir boð eftir bjargingarbáti at sleipa smábátar til lands, skrivar heimasíðan hjá Vørn.

Beint eftir klokkan 10 fyrrapartin fekk MRCC boð frá einum báti, sum hevði fingið maskinbrek norður úr Mýlingi.

Rescue Vón varð boðsendur at sleipa, og um middagsleitið kom Vón á Eiði við bátinum.

Stutt fyri klokkan 17 var ein annar smábátur uppsteðgaður vestanfyri Sandoynna. Rescue Sverri varð sendur at sleipa bátin til Miðvágs. Uppgávan tók góðar tríggjar og ein hálvan tíma.

Náttina til fríggjadagin mátti Tjaldið eisini hjálpa einum línuskipi, sum var statt vestur úr Mykinesi. Skipið varð sleipað á Havnina.