Pison slapp ikki inn St. Pierre

Tann 24. juli ynskti skiparin á Pison at sleppa inn í St. Pierre at skifta tríggjar mans og taka provint, men fekk noktandi svar frá fronsku myndugleikunum, sigur Eyðstein Sørensen, skipari á Pison við Norðlýsið.

- Vit høvdu roynt við NAFO øki 3N, tað er tætt við Flemish Cap, og roynt eftir hvíttkalva og skuldu inn til Kanada at skifta fólk, landa og taka proviant. Samskiftistrupuleikar stungu seg upp beint áðrenn vit komu til Kanada, at vit bara sluppu at taka olju og onki annað. Vit tóku olju og valdu so at taka tað avgerð at fara til St. Pierre, sum er franskt og harvið EU øki, at skifta manning, sigur Eyðstein Sørensen víðari við Norðlýsið.

Tá ið frystilínuskipið nærkasðist St.Pierre fekk skiparin boð frá mynduleikunum, at Pison ikki slapp til kai í St.Pierre, og at skipið ikki var vælkomið í franskt sjóøkið ávegis til Flemish Cap.

Tí mátti Pison sigla heilt til Grønlands, at skifta tríggjar mans, og taka proviant umborð, sigur Eyðstein Sørensen, skipari, við Norðlýsið.