J&K Petersen selt grótbátarnar av landinum

Byggifyritøkan J&K Petersen hevur selt grótbátin Siri til Íslands.

Siri er bygt í 1989, men kom í føroyska flotan í 2006.

Tað er íslendska felagið Sjótækni ehf, sum hevur keypt skipið, men keypsprísurin er ikki upplýstur.

Umframt Siri, so átti J&K Petersen eisini grótbátin Ragnhild, men hetta skipið seldi felagið í juni í ár. 

Ragnhild bleiv seld til Onglands, og var tað bretska felagið ML(UK) Dredging Ltd, og hevur fingið navnið Split Four. Eisini hjá hesum grótbátinum er søluprísurin ókendur.