Innanlands

Úr at gera hjá Pelagos í Fuglafirði

Seinastu dagarnar hava ikki færri enn fýra uppsjóvarskip lagt at í Fuglafirði við sild, sum skal landast til Pelagos

Savnsmynd (Mynd: Kiran Jóanesarson)

Savnsmynd (Mynd: Kiran Jóanesarson)

2020-10-04 16:03 Author image
Kiran Jóanesarson
placeholder

Uppsjóvarskipini Høgaberg, Finnur Fríði, Fagraberg, Arctic Voyager og Christian í Grótinum, hava øll verið á sildaveiðu seinastu dagarnar. 

Av hesum fimm skipunum, landa ikki færri enn fýra skip sild til uppsjóvarvirkið Pelagis í Fuglafirði.

Fyrst var Høgaberg inni í vikuni við 450 tonsum av sild, sum teir hava fiskað í føroyskum sjógvi.

Tá ið teir høvdu landað, slapp Finnur Fríði framat við sínari sildalast.

[object Object]

Høgaberg - Savnsmynd: Sverri Egholm

Finnur Fríði hevði 1200 tons av góðari sild, sum teir hava fiskað í íslendskum sjógvi. Teir vórðu lidnir at landa í morgun, og eru nú farnir á sildaveiðu í føroyskum sjógvi.

Tá ið Finnur Fríði hevði landað, slapp Fagraberg framat, og hava teir 750 tons av sild, sum teir somuleiðis skulu landa til Pelagos.

Fagraberg hevur hendan túrin fiskað í íslendskum sjógvi, og fara teir ivaleyst eisini í føroyskan sjógv tá ið liðugt er at landa.

Aftaná Fagraberg hevur Arctic Voyager eina minni sildalast, sum teir skulu landa til Pelagos.

Teir hava fiskað sild í íslendskum sjógvi.

[object Object]

Fagraberg - Savnsmynd: Kiran Jóanesarson

Arctic Voyager hevur umleið 1100 tons av sild við til lands, og skulu teir landa til Pelagos og Vestmanna Seafood í Vestmanna.

[object Object]

Arctic Voyager - Savnsmynd: Sverri Egholm

Christian í Grótinum kom í nátt inn av sildafeltinum, men landa teir meginpartin av veiðuni í Ánunum.

Teir hava umleið 550 tons av sildafløkum, og 130 tons av heilfrystari sild.

Teir komu tó fyrst á Fuglafjørð, har teir landaðu slógv til Havsbrún.

[object Object]

Christian í Grótinum - Savnsmynd: Sverri Egholm

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder