Úr at gera á Varðanum Pelagic

Uppsjóvarvirkið Varðin Pelagic hevur nokk at gera í hesum døgum, við at taka ímóti makreli frá fleiri skipum. 

Birita hevur landað eina last á umleið 300 tons av makreli til Varðan Pelagic, sum skipið hevur fiskað norðanfyri. Birita fór aftur á makrelveiðu tá ið liðugt var at landa.

Íslendska uppsjóvarskipið Hoffell er ávegis á Tvøroyri við 700 tonsum av makreli, sum skipið skal landa í nátt, og sum er fiskaður í altjóða sjógvi norðanfyri.

Aftaná Hoffell skal Tróndur í Gøtu landa 380 tons av makreli, sum eisini er fiskaður í altjóða sjógvi norðanfyri Føroyar.