Tummas T landað makrel á Tvøroyri

Tummas T, sum hevur fiskað makrel norðanfyri Føroyar, kom á Tvøroyri seinnapartin í gjár har teir skuldu landa makrel.

Teir sluppu ikki framat beinanvegin tá teir komu av fiskileið, so teir fóru á Kollafjørð at bíða eftir landingartørni áðrenn farið varð til Tvøroyrar.

Upplýst verður, at Tummas T hevði 450 tons av makreli, sum skuldu landast til Varðan Pelagic.

Aftaná Tummas T, byrjaði Jupiter at landa 600 tons av sild til Varðan Pelagic.