Innanlands

Tróndur í Gøtu larmar nú minni

Tveir ljóðpottar til ljósmotorar eru skiftir út. Nýggju ljóðpottarnir ljóðdoyva nógv betur enn teir gomlu

(Mynd: Varðin)

(Mynd: Varðin)

2022-04-28 17:47 Author image
Sverri Egholm
placeholder

Tróndur í Gøtu hevur ligið á skipasmiðjuni hjá Mest á Skála í fýra vikur, har tveir ljóðpottar til ljósmotorar eru skiftir út. Annar ljósmotorurin, sum hevur fingið nýggjan ljóðpott, er 1.110 KW, og tann størri er 1.480 KW. 

Arbeiðið kostaði 1,2 milliónir krónur, upplýsir Varðin á heimasíðuni.

Tróndur í Gøtu varð bygdur í 2010. Tá, fyri 12 árum síðan, var standardurin 35 dB ljóðpottar til ljósmotorar. Eisini innan hetta økið fer nógv menning og nýskapan fram. 

Nýggju ljóðpottarnir eru 45 dB og ljóðdoyva nógv betur enn teir gomlu. Hetta løgdu fleiri fólk, sambært Varðanum, merki til á Tvøroyri í morgun.

- Skiparin er fegin um arbeiðið, sum Mest hevur gjørt, og at teir fingu loyst á Skála leygardagin 23 apríl, skrivar vardin.fo.

Tróndur í Gøtu kom inn á Tvøroyri í gjár, og byrjaðu tey á Varðanum Pelagic at landa tey 1.600 tonsini sum skipið hevur í morgun. Allur svartkjafturin fer til matna.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder