Kiran Jóanesarson
Reiðaríið Thor í Hósvík, hevur selt partrolararnir Topas og Sardis, sum felagið hevur átt seinastu árini.
Tað ljóðaði fyrr í árinum, at partrolarnir vóru seldir, men tað einasta, sum bíðað var eftir, var at endaligu papírini skuldu koma úr Fiskimálaráðnum so skipini kundu flagga úr flotanum.
Hetta er nú komið í rætt lag, og skipini eru ikki longur partur av føroyska fiskiflotanum.
Tað er eitt felag í Albania, sum hevur keypt skipini, og skipini flaggaðu úr Føroyska flotanum í gjár.
Les eisini: Partrolararnir Topas og Sardis verða seldir til Albania
Hans Andrias Joensen, reiðari, upplýsti í januar fyri Portalinum, at hetta var ein tillaging av fiskiflotanum, og at einki óvanligt var í hesum.
Topas og Sardis hava ligið í Danmark seinastu tíðina, og søluprísurin er umleið 600.000 krónur fyri hvørt skipið.
Vinarliga broyt tínar kennifíla - og privatlívsstillingar fyri at síggja hetta innihald