Svartkjaftur úr altjóða sjógvi landaður í Fuglafirði

Uppsjóvarskipið Christian kom seinnapartin í gjár á Fuglafjørð, har teir skuldu landa.

Teir hava fiskað svartkjaft í altjóða sjógvi vestanfyri Írland, og høvdu umleið 2300 tons av svartkjafti við til lands.

Veiðan varð landað til Havsbrún.

Høgaberg hevur eisini landað svartkjaft í Fuglafirði um vikuskiftið.

Teir landaðu umleið 2000 tons av svartkjafti, sum teir eisini hava fiskað í altjóða sjógvi vestanfyri Írland.

Hjá Havsbrún verður svartkjafturin framleiddur til mjøl og lýsi, og síðan til fóður. 

Høgaberg (Savnsmynd: Sverri Egholm)