Smáu aktørarnir avreiddu fyri yvir hálva milliard í fjør

Teir smáu aktørarnir í uppsjóvarvinnuni eru átta í talið. 

Talan er um Arctic Voyager, Katrin Jóhannu, Biritu, Jupiter, sum bleiv seldur fyrr í ár við kvotum, Ango, Hoyvík, Ran og Vestmenning.

Á fyrstaplássið liggur Arctic Voyager, sum avreiddi fyri 153,9 milliónir krónur í fjør.

Nummar tvey á yvirlitinum er Katrin Jóhanna við 110,3 milliónum krónum, og síðani liggur Vestmenningur nummar trý við einum avreiðingarvirði á 75,1 milliónir krónur fyri 2025.

Katrin Jóhanna (Savnsmynd: Calum Gray)

Vestmenningur (Savnsmynd: Kiran Jóanesarson)

Síðani kemur Birita við einum avreiðingarvirði á 73,7 milliónir krónur. Nummar fimm er Ango, sum fiskaði fyri 70,3 milliónir krónur.

Birita (Savnsmynd: Sverri Egholm)

Ango (Savnsmynd: Kiran Jóanesarson)

Aftaná Ango kemur jupiter, sum seldi fyri 34,6 milliónir krónur. Jupiter hevur tó ikki verið í vinnu alt árið, av tí at skipið bleiv selt við kvotum, sum vóru flutt yvir á onnur skip fyrr í summar.

Jupiter bleiv seldur við kvotum fyrr í ár, og hevur ikki verið í vinnu síðani í summar (Savnsmynd: Sverri Egholm)

Aftaná Jupiter koma Hoyvík og Ran, sum hava fiskað fyri góðar 30 milliónir krónur hvørt, sambært yvirlitinum hjá Vørn.

Ran (Savnsmynd: Kiran Jóanesarson)

Hoyvík (Savnsmynd: Sverri Egholm)