Smáligur sildafiskiskapur í íslendskum sjógvi

Seinastu dagarnar hevur fiskiskapurin eftir sild í íslendskum sjógvi verið smáligur.

Gøtunes hevur júst landa umleið 20 tons til Varðan Pelagis, og er nú farin at royna eftir svartkjafti sunnanfyri í føroyskum sjógvi.

Tróndur í Gøtu (Savnsmynd: Kiran Jóanesarson)

Tróndur í Gøtu skal landa 150 tons av sild, til Varðan Pelagis, sum skipið hevur fiskað í íslendskum sjógvi, men um teir fara aftur á sild vita vit ikki. 

Øll uppsjóvarskipini eru annars í Føroyum uttan Norðborg, sum er á sildaveiðu í íslendskum sjógvi framvegis.