Polar Princess landað makrel í Kollafirði

Stóri grønlendski verksmiðjutrolarin Polar Princess landaði fyrr í vikuni í Kollafirði.

Teir hava fiskað makrel í altjóða sjógvi norðanfyri Føroyar, og fiskiskapurin hevur verið góður.

Upplýst verður at teir høvdu 800 tons av góðum makreli, sum teir landaðu til Faroe Pelagic í Kollafirði.

Fleiri grønlendsk skip hava landað makrel í Føroyum seinastu tíðina. Skipini Tasilaq og Tuneq eru ávegis inn av feltinum.

Teir hava umleið 1000 tons tilsamans av makreli.