Innanlands

Níggjunda og nýggjasta skipið hjá Frakt - og Sand

Hav Saga er nýggjasta skipið hjá reiðarínum Frakt- og Sand. Nógv er gjørt við skipið síðani tað varð yvirtikið í september, men enn er okkurt eftir

(Mynd: Føroyska Sjómansmissiónin)

(Mynd: Føroyska Sjómansmissiónin)

2019-03-08 06:36 Author image
Føroyska Sjómansmissiónin
placeholder

-Reiðaríið keypti skipið úr Grikkalandi í fjørheyst og í september var tað yvirtikið og siglt til Póllands. Har hevur tað fingið eina stóra yvirháling.

- Motorurin og lastalúkurnar eru høvuðsumvæld, og so er ein nærum nýggj gravmaskina sett í skipið, so tað nú er ein sokallaður sjálvlossari. Hóast nógv er gjørt við skipið, sum nú er í góðum standi, so er kortini okkurt smávegis eftir at gera enn. Tað sigur skiparin á Hav Saga, Jóhan Petur Olsen.

Hav Saga hjá reiðarínum Frakt - og Sand lá í vikuni á Kollafirði og lossaði sand til Landsverk.

Star Saga er níggjunda og nýggjasta skipið í flotanum hjá reiðarínum. 
Hetta er aðru ferð, skipið er í Føroyum, síðani tað fór í vinnu 23. januar.

- Hav Saga er systurskip við Hav Nes, Hav Skandic og Hav Nordic. Hetta eru góð skip, hóast tey eru bygd fyrst í 1990unum. Hav Saga er bygd í 1990 og er tað elsta av teimum. Skipið er 75 metrar langt og 12,75 metrar breitt. Motorurin er ein Bergen Diesel á 2000 HK, sigur Jóhan Petur.

Týsmorgunin fór Hav Saga til Dalvíkar í Íslandi eftir hoyggi til Noregs. Sjey mans eru við Hav Sagu.

Sjómanstrúboðarin vitjaði umborð og heilsaði uppá manningina.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder