Katrin Jóhanna til Noregs

Uppsjóvarskipið Katrin Jóhanna, sum hevur havt heimstað í Føroyum seinastu átta árini er ávegis úr føroyska flotanum.

Skipið hevur verið í dokk seinastu tíðina á Skála, og í gjárkvøldið setti skipið kós móti Noregi, har skipið eftir ætlan verður handað nýggju eigarunum. 

Vit hava roynt at fingið fatur á Tummas Henriksen, reiðara, og spurt um eina viðmerking, men tað hevur ikki eydnast. 

Sum skilst, so skal reiðaríið hava annað og nýggjari uppsjóvarskip fyri Katrin Jóhonnu. 

Tað er felagið Katrin Jóhanna P/f, sum eigur uppsjóvarskipið við sama navnið, og talan er um eitt nýtt felag, sum er stovnað eftir at reiðaríið Kinnfelli fór í tvíningar fyrr í ár, sum átti skipið.