Jaspis og Ametyst landaðu í Havn í gjár

Partrolararnir komu á havnina í gjár, har teir skuldu landa.

Jaspis og Ametyst, sum hava roynt eystanfyri og norðanfyri landaðu til Barðið í Havn.

Upplýst verður, at teir høvdu umleið 260.000 pund, har meginparturin av veiðuni var toskur.

Fiskiskapurin hendan túrin hevur verið góður, og táið liðugt var at landa, riggaði parið til at fara aftur til fiskiskap undir Føroyum.