Íslendsk uppsjóvarskip landar 1400 tons í Kollafirði

Margret hevur eins og Beitir, sum landaði í Fuglafirði, fiskað makrel í altjóða sjógvi.

Upplýst verður, at teir hava millum 13-1400 tons av makreli, sum teir skulu landa til Faroe Pelagic.

Faroe Pelagic hevur longu tikið ímóti fleiri lastum av makreli í summar, og enn fleiri eru ávegis.

Grønlendsku trolararnir Svend C og Polar Princess eru ávegis á Kollafjørð at landa. Teir hava frystan makrel, meðan Margret hevur feskan makrel til uppsjóvarvirkið at virka.