Hummarabátarnir fáa frítt at fiska á ávísum firðum

Higartil í ár eru fiskað góð 37 tons av felagskvotuni á 54 tons eftir hummara í økinum sunnan fyri Streymin, á Kollafirði, Tangafirði, Skálafirði og Kaldbaksfirði.

Tí hevur Tilfeingis- og vinnumálaráðið tikið avgerð um at taka burtur hámarkið hjá hummarabátunum, sum hava loyvi í hesum øki.

Bátarnir hava felagskvotu við hámarki fyri hvønn bátin.

Við broytingini kunnu tey, sum hava loyvi at royna eftir hummara í økinum, halda fram restina av árinum, hóast tey hava fiskað upp til hámarkið, sigur Tilfeingis- og vinnumálaráðið.