Hetta hava vit ikki upplivað fyrr

- Vit hava ikki roynt við nót á Nólsoyarbankanum eftir makreli í novembermánaði fyrr.

- Vit sigldu bara í tríggjar tímar, høvdu trý køst og hava umleið 1000 tons av makreli, sum liggur um 400 gram.

Tí er hetta bæði ein skjótur og góður túrur, siga Hallur og Rúni.

- Hvat hetta merkir, vita vit ikki, men tað er æti í makrelinum, so tað má vera dámligt, halda teir. 

Høgaberg landar makrelin til Pelagos í Fuglafirði.

Hallur og Rúni vóru einsamallir umborð, men tað forðaði ikki fyri práti og bøn fyri skipi og manning.