Gøtunes farin á svartkjaftaveiðu

Uppsjóvarskipið Gøtunes loysti av Runavík seinnapartin í gjár, og fer nú á svartkjaftaveiðu.

Teir fóru beina kós suður á svartkjaftafeltið í altjóða sjógvi, har fleiri útlendsk skip eisini royna. Eisini Næraberg úr Klaksvík er ávegis á hetta fiskimarkið.

Gøtunes leitaði eftir sild norðanfyri í altjóða sjógvi, men eingin sild var at síggja, og tí komu teir inn.

Svartkjafturin hvørvur úr førpyskum sjógvi hesa árstíðina, men kemur aftur í føroyskan sjógv umleið hálvan apríl.

Sum nú er, sleppa føroysk skip ikki í ES sjógv at fiska svartkjaft, og tí verður fiskað í altjóða sjógvi 200 fjórðingar vestanfyri Írland.

Tróndur í Gøtu, sum hoyrir til sama reiðarí sum Gøtunes, Varðan, fer eisini á svartkjaftaveiðu fyrsta dagin.