Gitte Henning 1 bíðar eftir landingartørni

Nýggja uppsjóvarskipið hjá Varðanum Gitte Henning 1, kom á Runavík fyrrapartin.

Teir skulu bíða eftir landingartørni á Tvøroyri, og fara suður um middag í morgin.

Upplýst verður, at teir hava 900 tons av makreli, sum teir skulu landa til Varðan Pelagic.

Áðrenn teir sleppa framat, skulu Jupiter og Tummas T landa makrel til uppsjóvarvirkið á Tvøroyri.

Sum skilst, er manningin vælnøgd við nýggja skipið, og farið verður aftur á makrelveiðu, tá ið liðugt er at landa.