Aftur ein nýggjur bátur úr Runavík til Grønlands

At bátarnir frá AWI Boats í Runavík, eru væl egnaðir til fiskiskap í Grønlandi, og eru væl dámdir av grønlendingum, er einki nýtt.

Í hesum døgum verður síðsta hond løgd á enn ein nýggjan AWI 33 til útróðrarmann í Uummannaq. Hetta er fjórði AWI 33 til hansara, so sigast kann ikki annað enn at hann er væl nøgdur við bátarnar.   

- Báturin er ein standard útgáva á 10,46 metrar langur og 3,60 metrar breiður. Motorurin er ein 268 hk Volvo. Harafturat hevur hann garna- og línuspæl frá Oilvind og alla nútímans navdiska útgerð. Hann hevur tríggjar koyggjur, vask og køksútgerð, so menn kunnu búgva umborð í nakrar dagar.

Tað sigur Jóhan Hendrik Olsen, stjóri á AWI Boats og Univice í Runavík.

Jóhan Hendrik Olsen (Mynd: Føroyska Sjómansmissiónin)

- Hann er bygdur til at sigla í ísi og harafturat er stýrhúsið væl bjálva móti kulda. Tí eru okkara bátar serbygdir til fiskiskap í Grønlandi, sigur hann.

- Tað er hugaligt at grønlendingar ynskja okkara bátar, tí tað er langt síðani vit bygdu báti til útróður við Føroyar, sigur Jóhan Hendrik Olsen.

Føroyska Sjómansmissiónin ynskir eigaranum til lukku og Guds signing við bátinum.