Innanlands

Fyri fyrstu ferð í Føroyum

Tukuma Arctica hjá Royal Arctic Line var um vikuskiftið í Føroyum á fyrsta sinni

(Mynd: Erling Ellendersen / Faroe Ship)

(Mynd: Erling Ellendersen / Faroe Ship)

2020-11-02 00:28 Author image
Sverri Egholm
placeholder

Um seks tíðina í leygarmorgunin kom Tukuma Arctica á Havnina á fyrsta sinni.

Tað er Royal Arctic Line sum eigur skipið, sum er í samsigling við Dettifoss og Brúarfoss á reyðu linjuni.

Tukuma fór úr Føroyum víðari til Aarhus seinnapartin leygardagin.

Systirskipið, Dettifoss, legði at á Molanum á fyrsta sinni fyri einum góðum mánað síðani.

Øll trý skipini eru bygd á Guangzhou Wenchong skipasmiðjuni í Kina. Í november mánaða fara tey trý skipini eftir ætlan í samsigling millum evropiska meginlandið, Føroyar, Ísland og Grønland.

Siglingin er samstarv millum Faroe Ship, Eimskip og Royal Arctic Line.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder