Finnur Fríði liðugur við svartkjaftin fyribils

Uppsjóvarskipið kom fyrr í vikuni á Fuglafjørð, har teir løgdu útgerð upp, og fyrireika seg nú til at fara í dokk á Skála. 

Fiskiskapurin eftir svartkjafti er smáligur í løtuni, og tað loysir seg ikki at leita meira, og tí eru teir givnir við fiskiskapinum fyribils, og fara í dokk á Skála.

Arbeiðið skal byrja fyrst í komandi viku, og er talan um vanligt viðlíkahald, sum verður gjørt hvørt ár.

Tá ið liðugt er í dokkini, verður bíðað til makrelfiskiskapurin tekur seg upp í august.