Innanlands

Fekk maskinbrek vestan fyri Sandoynna

Fýra tímar eftir, at skiparin boðaði frá, hevði Rescue Sverri sleipað útróðrarbátin inn á Miðvág

Báturin var staddur átta fjórðingar vestanfyri Trøllhøvda, tá hann varð noyddur at biðja um hjálp, og Sverri kom honum til hjálpar (Mynd: Birgir Waag Høgnesen)

Báturin var staddur átta fjórðingar vestanfyri Trøllhøvda, tá hann varð noyddur at biðja um hjálp, og Sverri kom honum til hjálpar (Mynd: Birgir Waag Høgnesen)

2021-03-03 12:56 Author image
Agnar Prestá
placeholder

Klokkan hálvgum átta í gjáramorgunin fekk MRCC fráboðan um, at ein útróðrarbátur hevði fingið maskinbrek.

Hann fiskaði vestan fyri Sandoynna og var staddur átta fjórðingar vestan fyri Trøllhøvda.

Sambært Vørn var skiparin einsamallur umborð, og tað tók fýra tímar og tveir minuttir, frá tí fráboðanin kom, til báturin var inni á Miðvági. 

Tað var Rescue Sverri, sum vanliga liggur í Miðvági, ið sleipaði, og sambært vakthavandi á MRCC gekk alt sum ætlað. Góða veðrið gjørdi sítt til í hesum sambandi.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder