Innanlands

Enniberg skal landa rækjur í Norra

Enniberg hevur havt góðan fiskiskap hendan túrin

Savnsmynd (Mynd: Sverri Egholm)

Savnsmynd (Mynd: Sverri Egholm)

2019-07-26 19:54 Author image
Kiran Jóanesarson
placeholder

Trolarin Enniberg, sum vanligt plagar at landa flak í Havn, sum teir hava framleitt umborð, skal landa eina last av rækjum í Tromsø í Norra. 

Enniberg hevur havt góðan fiskiskap, og hevur 875 tons av rækjum við til lands.

Enniberg hevur roynt meginpartin av túrinum í Barentshavinum.

Hetta er frysti túrur, sum Enniberg ger eftir rækjum. Trolarin hevur síðan hann kom í flotan, fiska tosk og annan botnfisk, sum verður framleiddur til flak umborð.

Fyri tíð síðan bleiv verksmiðjan umborð umbygd, og møguleiki varð nú eisini fyri at virka rækjur umborð.

Fyrr í ár keypti reiðaríið, sum eigur Enniberg, felagið Friðborg, sum hevur havt rækjuskip og kvotur í fleiri ár, men sum seldi Havborg til Russlands fyri tveimum árum síðan.

Føroysku skipini sum fiska rækjur eru Arctic Viking, sum er einasta skipið, sum er eftir í flotanum, sum livir av hesum fiskiskapinum, Akraberg og Enniberg, sum fiska rækjur burtur av.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder