Ein fiskur fyri 21 milliónir krónur

21 milliónir krónur. Tað gjørdist prísurin, tá ein tunfiskur á 243 kilo varð seldur á fiskamarknaðinum í Tokyo herfyri.

Hetta svarar til ein prís á 85.000 krónur fyri kiloð. Hetta er nýtt met fyri sølu á fiskamarknaðinum í japanska høvuðsstaðnum, skrivar AP tíðindastovan.

Tað var felagið Kiyomura Corporation, sum keypti fiskin. Felagið er eigari av eini stórari sushi-ketu í Japan.

Virðismikli fiskurin varð fiskaður út fyri oynna Oma har norðruri í Japan, eitt øki, ið er gitið fyri at vera heimstaður fyri bestu tunfiskarnar í Japan. Hesir tunfiskarnir av slagnum ‘blue fin tuna’ hava, orsaka av stóra eftirspurninginum til sashimi og sushi, fyrr verið eitt hótt fiskaslag, skrivar dr.dk.

(Mynd: EPA)