Christian í Grótinum tók metið hjá Gøtunes

Christian í Grótinum hevur landað størstu lastina av sild til matna, sum Pelagos hevur tikið ímóti og hevur tikið metið hjá Gøtunes, sum landaði beint undir 2.698 tons til Varðan Pelagic í síðstu viku. 

Samlaða nøgdin hjá Christian í Grótinum gjørdist knapt 2.703 tons.

Talan er um bruttotøl.

Christian í Grótinum hevur fiskað sild í norskum sjógvi, og fiskiskapurin hevur verið góður hendan túrin. 

Christian í Grótinum fór aftur til fiskiskap tá ið liðugt var at landa, og tá fór skipið á svartkjaftaveiðu í føroyskum sjógvi.