Birita skal landa svartkjaft í Fuglafirði

Uppsjóvarskipið Birita skal byrja at landa á middnátt.

Birita hevur verið á svartkjaftaveiðu sunnanfyri í føroyskum sjógvi, og fiskiskapurin hevur verið góður.

Lastin - 1750 tons av svartkjafti, verður landað til Havsbrún, har sartkjafturin skal framleiðast til mjøl og lýsi, og síðan til fóður.

Tá ið liðugt er at landa, verður farið aftur á svartkjaftaveiðu.