Innanlands

Arctic Viking skal skifta høvuðsmotor í Føroyum

Arctic Viking skal landað 250 tons av rækjum áðrenn stóra arbeiðið fer í gongd

Savnsmynd (Mynd: Kiran Jóanesarson)

Savnsmynd (Mynd: Kiran Jóanesarson)

2019-01-02 08:18 Author image
Kiran Jóanesarson

Einasti rækjutrolarin, sum er eftir í føroyska flotanum, skal landa rækjur áðrenn arbeiðið at skifta høvuðsmotorin fer í gongd.

Veiðan - 250 tons av stórum og kókaðum rækjum - skal landast her heima, og síðan fer arbeiðið í gongd við at skifta høvuðsmoturin umborð.

Tað var í juni í fjør, at tað varð avdúkað, at tað bleiv Mest í Havn, sum skuldi gera stóra arbeiðið umborð á rækjutrolaranum.

Arctic Viking hevur í dag ein Wärtsilä Vasa høvuðsmotor.

Nýggi høvuðsmotorurin verður ein Wartsila 6L 32 og generatoreindirnar vera av merkinum Cummins Model QSK19-DM. 

Arctic Viking varð bygdur í Norra í 1986, og hevur havt somu eigarar øll árini. Skipið er nógv dagført síðan tað varð bygt, og nú eru tað høvuðsmotorurin og hjálpimotararnir, sum skulu skiftast.

Arbeiðið tekur umleið tveir mánaðir.