Ango skal landa svartkjaft til Havsbrún

Uppsjóvarskipið Ango kom á Havnina í vikuni, har skipið bíðaði eftir landingartørni.

Ango hevur verið á svartkjaftaveiðu í føroyskum sjógvi, og fiskiskapurin hevur verið hampiligur.

Veiðan, sum er 1.900 tons, skal landast til Havsbrún í Fuglafirði, har svartkjafturin verður framleiddur til mjøl og lýsi, og síðani til fóður.

Tá ið Ango hevur landað, verður farið aftur á svartkjaftaveiðu í føroyskum sjógvi.