Ango hevur landað fyrstu lastina á Tvøroyri

Uppsjóvarskipið Ango landaði í gjár 300 tons av sild til Varðan Pelagic á Tvøroyri.

Ango hevur verið á sildaveiðu í íslendskum sjógvi, og skipið hevur riggað væl.

Ango kom til Føroyar síðst í oktober, og skuldi síðan riggast til fiskiskap. Hetta var fyrsti túrurin hjá skipinum undir nýggju eigarunum.

Ango er aftur ávegis á sildafeltið í íslendskum sjógvi.

Savnsmynd: Sverri Egholm