Tróndur í Gøtu seldur til Noregs

Uppsjóvarskipið Tróndur í Gøtu, sum Varðin læt byggja í 2010, er selt til norska reiðaríið K Halstensen.

Skipið verður latið til Noregs í mai, og tað verður núverandi Finnur Fríði, sum skal fiska kvoturnar hjá Tróndi í Gøtu, upplýsir Bogi Jacobsen, stjóri í Varðanum.

Varðin byggir annars nýtt skip fyri Finn Fríða á Karstensens skipasmiðjuni í Skagen, og eftir ætlan kemur nýbygningurin til Føroya í mai.

Sølusáttmálin fyri Trónd í Gøtu kom uppá pláss í gjár, og prísurin er ikki upplýstur.

Ætlanin er at fara í holt við at projektera nýggjan Trónd í Gøtu.

Nýggi Finnur Fríði kemur til Føroya í mai (Mynd: Kiran Jóanesarson)