Tróndur í Gøtu landar sild á Tvøroyri

Uppsjóvarskipið Tróndur í Gøtu kom á Tvøroyri í gjárkvøldið, har skipið skal landa sild.

Tróndur í Gøtu hevur verið á sildaveiðu í íslendskum sjógvi, og fiskiskapurin hevur verið góður.

Veiðan - 1.600 tons - verður landað til Varðan Pelagic, og Tróndur í Gøtu fer aftur til fiskiskap tá ið liðugt er at landa.

Seinastu tíðina hava føroysku skipini fiskað sild í føroyskum sjógvi, men nú eru nøkur farin aftur í íslendskan sjógv at royna.