Uttanlands

Norskur trolari góð úrslit við føroyskari útgerð

Atlantic Star hevur spart 13.300 litrar í 19 dagar

Savnsmynd (Mynd: Kiran Jóanesarson)

Savnsmynd (Mynd: Kiran Jóanesarson)

2021-02-22 18:08 Author image
Kiran Jóanesarson
placeholder

Norski trolarin Atlantic Star hevur gjørt stórar sparingar við føroyskari útgerð.

Talan er um lemmar frá virkinum Rock Trawldoord úr Vági, og góða úrslitið skrivar Hans í Líðini, stjóri í rock Trawldoors á sínum Facebook vanga týsdagin í síðstu viku.

- Atlantic Star kom til Ålesund í fyrrakvøldið (mánakvøldið í síðstu viku, red.) við 900 tonsum av frystum fiski.

- Tað vóru 19 døgn frá tí teir fóru, til teir vóru aftur í Ålsesund og fimm døgn í sigling.

- Teir fiska við okkara nýggja modelli Sea-Master (CL/CD = 3,7) Ikki eina fastkoyring, ikki skrætt eina masku og lemmarnir ongantíð dottnir niður, sjálvt um teir royndu í bratta kantinum.

- Tá teir so bunkraðu aftur, vísti tað seg at teir høvdu brúkt munandi minni av olju. 700 litur per døgn minni av olju enn árini frammanundan.

- Hetta gevur 13.300 litra í sparing av olju í 19 dagar. Vit herfrá ynskja teimum góða eydnu á komandi túri, skrivar Hans í Líðini um góða úrslitið.

Atlantic Star hevur heimstað í Ålesund í Norra, og er bygdur í 1996. Trolarin var fyri nøkrum árum umbygdur, og var millum annað longdur.

placeholder
placeholder