placeholder
Innanlands

Kjølurin á nýggja havrannsóknarskipinum strektur í dag

Hátíðarhald á skipasmiðjuni í Litava í morgun. Havrannsóknarskipið skal vera liðugt í 2020

Umboð fyri MEST: Dánjal Jákup í Soylu, Sunvard Joensen, Mouritz Mohr, Petur H. Jacobsen, Bartal Kass og Jegvan Eliasen

Umboð fyri MEST: Dánjal Jákup í Soylu, Sunvard Joensen, Mouritz Mohr, Petur H. Jacobsen, Bartal Kass og Jegvan Eliasen

2018-09-17 11:29 Author image
Tíðindaskriv
placeholder

Í samband við at kjølurin á nýggja havrannsóknarskipinum var strektur var sokallað “Keel Laying Ceremony” í býnum Klaipėda í Litava í morgun.

Umframt umboð frá Havstovuni og MEST vóru eisini umboð fyri klassan og byggieftirlit við til hátíðarhaldið. Stjórin á skipasmiðjuni WBS, Vitalij Frolov, hevði eina stutta røðu eins og at stjórin á Havstovuni Eilif Gaard í røðu síni gleddi seg um týdningin, sum nýggja havrannsóknarskipinum fær fyri Føroyar og framtíð okkara.

Stjórin á MEST, Mouritz Mohr, hevði eina røðu har hann serliga frøddist um at síggja eina veruliga byrjan á arbeiðið.

Nýggju litirnir og endaliga sniðið varð eisini avdúkað á hátíðarhaldinum í dag – eins og myndirnar vísa. Á myndunum síggjast umboðini sum vóru til hátíðarhaldið.

Stjórin á Havstovuni, Eilif Gaard, og stjórin á MEST, Mouritz Mohr

Nýggi kjølurin strektur. Eisini hómast nýggju litirnir á skipinum

Umboð fyri Havstovuna: Eilif Gaard, Erling í Liða og Leon Smith

Nýggja havrannsóknarskipið er 54 metrar langt og 13,6 metrar breitt. Tað er 10 metrar longri enn Magnus Heinason. Men við at gera eina hædd meira, so er víddin tvær ferðir so stór sum á Magnusi Heinasyni.

Tá skrokkurin er liðugur verður hann sleipaður inn á  Skála, har skipið verður gjørt liðugt. Roknað verður við, at skrokkurin kemur inn á Skála á sumri í 2019 og at skipið verður liðugt í 2020.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder