Katrin Jóhanna fer á svartkjaftaveiðu

Katrin Jóhanna hevur seinastu dagarnar leitað eftir sild í íslendskum sjógvi, men fiskiskapurin er so smáligur, at skipið nú fer á svartkjaftaveiðu.

- Vit hava leitað eftir sild seinastu 12 dagarnar, men eingin sild er at finna í íslendskum sjógvi í løtuni, sigur Árni Dalsgaard, skipari.

Katrin Jóhanna fer nú at rigga til at fara á svartkjaftaveiðu í føroyskum sjógvi.

Hóast fiskiskapurin eftir sild í íslendskum sjógvi er smáligur í løtuni eru tað framvegis nøkur føroysk skip, sum leita eftir sild. 

Skipini, sum í løtuni eru í íslendskum sjógvi eru Norðborg, Ango, Høgaberg, Norðingur og Gøtunes.