Jógvan á Lakjuni nýggur havnameistari hjá Klaksvíkar kommunu

Klaksvíkar kommuna boðar í dag frá, at ein nýggjur havnameistari er settur. 

Talan er um Jógvan á Lakjuni. Hann hevur seinastu 10 árini starvast sum havnafúti hjá Klaksvíkar Havn, og kennir hann tí væl til tørvin og kann fara til verka beinanvegin, skrivar klaksvik.fo.

Jógvan er útbúgvin skipsførari og hevur nógvar royndir frá føroysku fiskivinnuni, umframt at hann hevur royndir við eitt nú cruise vinnu og offshore vinnu.

Jógvan byrjar í starvinum 1. august.