Hagstovan: Útflutt fyri hálva aðru milliard minni

Í tíðarskeiðnum apríl 2020 – mars 2021 minkaði útflutningurin av fiskavørum 1,4 mia. krónur samanborið við undanfarna 12-mánaðarskeið.

Talan er um eina minking í flestøllum vørubólkum, skrivar Hagstovan.

Minkingin av útfluttum laksi er oman fyri hálva mia. krónur –ein minking á 13 prosent. Nøgdin var tó áleið tann sama.

Eisini var minni útflutt av makreli. Har er minkingin 272 mió. krónur, ella 28 prosent. Í nøgd er minkingin 15 prosent.

Útflutningurin av toski er eisini minkaður næstan 400 mió. krónur, ið svarar til eina minking á 33 prosent. Í nøgd er talan um eina minking á 34 prosent.