Innanlands

Gulllaksakvotan fyri 2023 er ásett til 12.800 tons

Hetta eru beint yvir 5.000 færri enn í fjør. Tað hongur saman við, at tað í mesta lagi kunnu fiskast 17.000 tons av gulllaksi samanlagt í føroyskum og skotskum sjógvi

Minkingin á 29 prosent hongur saman við tilmælunum frá ICES, sum Dennis Holm og aðalráðið hava fingið. Somu seks trolararnir, sum høvdu loyvi í fjør, sleppa at fiska gulllaks í ár (Mynd: Sverri Egholm)

Minkingin á 29 prosent hongur saman við tilmælunum frá ICES, sum Dennis Holm og aðalráðið hava fingið. Somu seks trolararnir, sum høvdu loyvi í fjør, sleppa at fiska gulllaks í ár (Mynd: Sverri Egholm)

2023-03-17 09:55 Author image
Agnar Prestá
placeholder

Tað er nú gjørt av, hvussu stór gulllaksakvotan í føroyskum sjógvi skal vera í ár. Fiskivinnumálaráðið kunnger á heimasíðu sínari, at landsstýrismaðurin hevur ásett hana - partvíst eftir tilmælum frá ICES.

Kvotan er væl minni, enn hon var í fjør: Tá var gullaksakvotan 18.000 tons - í 2023 er hon 12.800.

Hendan minkingin hongur saman við tilmælunum frá ICES. Ráðgevandi stovnurin hevur mælt til, at tað verður fiskað 30 prosent minni í føroyskum sjógvi og vestan fyri Skotland samanlagt, enn tað var í 2022.

- Ásetta kvotan í 2023 leggur upp fyri tilmælinum frá ICES. Tað tilmælið er fyri gulllaksin í føroyskum sjógvi og gulllaksin vestan fyri Skotland undir einum. Í 2023 er tilráðingin, at tað ikki verða fiskað meira enn 17.000 tons av gulllaksi í øllum hesum økinum. Hetta er 30 prosent minni enn í fjør.

Tann føroyska kvotan, ið Dennis Holm hevur ásett, er 29 prosent minni enn hon var í fjør. 

Søguliga hava føroysk skip fiskað 75 prosent av gulllaksinum. Fiskiskapurin hevur síðani 2014 verið skipaður við kvotum. Somu seks trolararnir, sum høvdu loyvi í fjør, sleppa at fiska gulllaks í ár, kunnar fisk.fo um.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder