Framherji yvirtekur nýggja Akraberg í morgin

Tað verður ein stórur dagur hjá reiðarínum Framherja í Fuglafirði í morgin, tá ið felagið yvirtekur sín fyrsta nýbygning.

Talan verður um nýbygningin Akraberg, sum er bygdur á Vard skipasmiðjuni í Brattvåg í Norra.

Skipið, sum er fyrsti nýbygningur í søgu felagsins, kostar 375 milliónir, og ikki 317, sum var upprunaligi kostnaðurin. 

Fríggjadagin, verður dópur í Brattvág, har reiðaríið hevur gjørt nógv burtur úr, fyri at hátíðarhalda stóru løtuna.

Akraberg kemur ikki til Føroyar áðrenn skipið fer til fiskiskap, men fer beinleiðis úr Norra tá ið skipið fer í vinnu.