Fleiri føroysk skip landa makrel í Noregi

Uppsjóvarskipini Birita, Arctic Voyager og Finnur Fríði hava øll verið á makrelveiðu í norskum sjógvi, og eru farin til Noregs at landa veiðuna.

Birita hevur umleið 150 tons av makreli, sum skal landast í Ellingsøya, har Finnur Fríði eisini hevur landað umleið 200 tons í nátt.

Finnur Fríði (Savnsmynd: Kiran Jóanesarson)

Arctic Voyager er farin til Selje, har skipið skal landa umleið 240 tons av makreli.

Finnur Fríði er farin aftur á makrelveiðu í norskum sjógvi, og sum skilst so hava Birita og Arctic Voyager nú fiska teirra makrelkvotur.

Arctic Voyager (Savnsmynd: Filip M. Hammer)