Brúkiligur fiskiskapur hjá Opportune og Helenus

- Hóast vit hava samtrolað fyrr, so er hetta fyrstu ferð vit samtrola við Føroyar.

Týsdagin komu hetlendski Opportune og skotski Helenus á Runavík. Teir samtrola eftir botnfiski við Føroyum. Umborð á Opportune høvdu teir tørv á at fáa trolið upp á land, fyri at bøta tað, og Helenus hevði onkrar smávegis mekaniskar trupulleikar.

Manningin bøtti trolið, meðan smiðir frá Uniwise í Runavík, sum eisini var agentur hjá skipunum, umvældi mekaniska trupulleikan. 

Sjómanstrúboðarin stóð fyri teimum og fekk heilsa uppá manningarnar og givið teimum góðan lesnað.

Hann fekk eisini orðið á stýrimannin, á Oppertune, Grant Ervin sum segði:

- Hóast vit hava samtrolað fyrr, so er hetta fyrstu ferð vit samtrola við Føroyar. Her er væl djýpri og verri botnur, enn vit eru vanir við í bretskum sjógvi. Kortini vóna vit at gera ein brúkiligan túr.

- Vit royna av og á við Føroyar og vit vóna at kunna gera tveir túrar. Tað er mest upsi vit fáa, men nøgdin er í lagið, so tað er spennandi. Vit ætla okkum aftur til fiskiskap á midnátt, segði hann.

Skipini fóru avstað á midnátt og royna eystanfyri.

Teir fingu føroysku heilsanina: Góðan túr og Jesus fylgi tykkum!

Teimum og sjófólkinum annars verður ynskt Guds signing og varðveitslu.