Uttanlands

Bretar hava sent verjuskip til Rokkin

Forða írskum fiskiskipum at royna innan fyri 12 fjórðingar úr Rockall

2021-01-06 14:05 Author image
Ingi Samuelsen
placeholder

Nýggjársdag sendi bretska sjóverjan skotska verjuskipið Jura vestur í hav at ansa eftir at skip úr ES-londum og øðrum londum ikki fiska innan fyri 12 fjórðingar úr Rockall. Hetta var fyrsta beinleiðis avleiðingin av Brexit, sum kom í gildi á nýggjárinum, skrivar BBC og írska kringvarpið RTÉ.

Fyrsta skipið, ið fekk boðini um at halda seg burtur, var írski trolarin The Northern Celt úr Greencastle, ein fiskivinnubýur norðast í Írlandi, ikki so langt frá norðurírska markinum til Donegal landslutin.

Bretskir hermenn fóru mánadagin umborð á The Northern Celt og vístu skiparanum á, at írski trolarin ikki hevði loyvi at fiska nærri enn 12 fjórðingar frá klettinum, sum liggur 260 fjórðingar vestur úr Hebridunum.

[object Object]The Northern Celt fiskar nú beint uttan fyri 12 fjórðinga markið (Mynd: fishfacts.com)

Skiparin, Adrian McClenaghan hevur síðan boðað írsku uttanríkismyndugleikunum frá hendingini.

McClenaghan undrast yvir støðuna og greiðir frá, at hetta kemur illa við, tí veiðan í júst hesum økinum vanliga telur umleið 30 prosent av árligu veiðuni hjá skipinum.

Ósemja hevur í nógv ár verið um rættindini til sjóøkið kring Rockall - Rokkin ella klettin, sum føroyskir fiskimenn hava kallað hann. Bretland sigur seg hava rættindini, men hesum eru Írland, Ísland og Danmark vegna Føroyar ikki samd í.

Í 2019 var líknandi ósemja á leiðunum kring Rokkin. Les: Stríð millum Skotland og Írland um rættindini við rokkin

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder