Akraberg siglur heim við 900 tonsum

Verksmiðjutrolarin Akraberg siglir heim við fullari last.

- Vit hava fiskað í 23 dagar, og hava 900 tons av avhøvdaðum og frystum fiski, upplýsir Eyðun á bergi, skipari.

Talan er um torsk, upsa, hýsu og onnur fiskasløg, sum teir hava fiskað í russiska partinum av Barentshavinum.

Akraberg setti fyrr í dag kós mótu kontrolpunktinum, og verður væntandi í Føroyum týsdagin.