550 tons landað á Tvøroyri

Uppsjóvarskipini Tróndur í Gøtu og Ango hava landað makrel á Tvøroyri.

Ango landaði fyrst, og landaði skipið 400 tons av makreli til Varðan Pelagic.

Ango hevur verið á makrelveiðu norðanfyri í altjóða sjógvi.

Tá ið liðugt var at landa, fór skipið á Hulk at leggja seg.

Tróndur í Gøtu hevur í nátt landað 150 tons av makreli, sum skipið hevur fiskað norðanfyri í altjóða sjógvi.  

Tróndur í Gøtu er í nátt farin aftur til fiskiskap eftir makreli.

Ango - Savnsmynd: Kiran Jóanesarson