Vestmenningur skal landa svartkjaft til Havsbrún

Uppsjóvarskipið Vestmenningur skal landa 1.500 tons av svartkjafti til Havsbrún.

Uppsjóvarskipið hevur verið á svartkjaftaveiðu sunnanfyri Føroyar, og fiskiskapurin hevur verið hampiligur.

Tá ið Vestmenningur hevur landað, verður farið aftur á svartkjaftaveiðu.

Nógv skip hava seinastu dagarnar landað svartkjaft til Havsbrún.